####
Matagal tagal na din akong hindi nagfri-friendster. At wala na ring masyadong nag-aadd sa akin, kaya tinatamad na akong i-update ang aking friendster page. At malamang medyo nalalaos na ang pausong ito, kung baga, ang friendster ay isang fad lamang. Pumatok lang naman ang friendster dahil sa notion na pwede mong mahanap ang mga long lost friends mo na nasa ibang lugar na o nasa abroad o saang sulok man ng mundo. Pumatok din ito dahil pwede mo silang bigyan ng testimonial para ikaw rin ay mabigyan testimonial. O di kaya para lang magpacute sa mga nagcucute-kyutan diyan. O yung iba, ginagamit ang friendster para maka-pick-up o di kaya'y para maghanap ng bf/gf (kasi desperado na sila).
Pero, para sa akin, ang gamit lang ng friendster ay para mahanap mo yung mga taong gusto mong mahanap, yung mga crush mo noon, yung mga kagalit mo noon; gusto mo lang silang kamustahin, kung ano na ang ginagawa nila, kung saan na sila nakatira, kung may asawa na ba sila o wala. Kung masaya ba sila sa buhay nila, contented na ba sila sa mga trabaho nila. yun lang naman ang friendster sa akin. Oh, nakalimutan ko pala, nakikiuso lang pala ako sa friendster, kasi naman lahat ng orgmates ko sa UP CIEM ay nagfrie-friendster, kay magfrie-friendster na rin ako. Wala naman masama kung makikiuso ako, ayaw ko rin naman na mapag-wanan ako ng uso, at least "in" ako kapag mayfriendster ako... hehehehe
